Azərbaycanda, xüsusən də Bakıda bir çox yerlər var ki, orada qədim daş oyma sənətini seyr edib zövq ala bilərsiniz. Məsələn, Bakının qədim hissəsində yerləşən Şirvanşahlar sarayı. Bu kompleks sənətkarların öz mahir əlləri ilə adi həndəsi fiqurlardan heyrətamiz ornamentlər yarada bilmələrinin əyani sübutudur. Bu cür ornamentlər çox vaxt divarların bəzədilməsində, eləcə də pəncərələrin daş şəbəkələrində istifadə olunurdu.