Elə simvollar var ki, zaman keçdikcə xüsusi əhəmiyyət kəsb etməyə başlayır. Xarıbülbül məhz belə bir simvoldur. Ümumiyyətlə, Xarıbülbül bülbülə bənzəyən kövrək çiçəkdir. O, əsasən Qarabağda, Şuşada bitir. İkinci Qarabağ müharibəsindən sonra Xarıbülbül doğma torpaqların azadlığı uğrunda gedən döyüşlərdə həlak olan əsgərlərin xatirəsinin rəmzinə çevrildi. Sinəsində Xarıbülbül sancağını daşımaq hər bir azərbaycanlı üçün şərəfdir.