Heydər Əliyev Mərkəzi hava limanından şəhərin mərkəzinə gedən yolun üstündə yerləşir. Ona görə də Bakıya gələn ziyarətçilər onu az qala dərhal görə bilərlər. Sən paytaxtda yaşayırsansa, o zaman yəqin ki, kompleksdə yerləşən muzeyləri ziyarət edirsən və ya onun ərazisində dostlarınla piknik təşkil edirsən. Məşhur Zaha Hadidin layihəsi əsasında tikilmiş Mərkəz qeyri-adi memarlığı ilə hər kəsi heyran edir, çünki layihədə demək olar ki, düz xətlərdən heç istifadə olunmayıb. O, müasir Bakının simvolu və ölkənin ən mühüm memarlıq obyektlərindən biri hesab olunur.